Na pitla raida tla Dolomites

L fova n iede a Ciaslat,
n tel pitl blòt giat.
Te Gherdëina iel śën stuf de sté,
ala Dolomites vàl a ti cialé.

N saut via en Fascia, a Cianacëi,
iló iel pa truep da udëi.
Sëura la mont via vàl de viac,
zënza fé massa vic y ac.

Ju a Reba y su sul Ciaulonch,
l à da se spazé che l viac ie mo lonch.
Prësc rùvel a Curvea
y po sàutel su per Frea.

Iló vëijel inò si valeda,
ciuhui, ce bela udleda!
Inò a cësa, inò a Ciaslat,
iló giàpel dessegur n cop de lat.

Sëlva, ai 23 de merz 2011

Emilia Bonata y Tatjana Runggaldier, poejia che à venciù

La Dolomites

Nёus son i plu fertunei,
ajache on i crёps plu biei.
La pizes ie autes defin
y cunesciudes da uni patin.
D’inviern y d’instà vёni a ti cialé
y nce a les arpizé.
Nce a mi me sal bel da mont su,
ulache vede for plu y plu.
Y canche vёije l’eguia che jola via y ca,
mo mpue plu bel me sa.
I crёps ie biei d’ansciuda y d’autonn,
ma cie diji pa, te uni sajon.
Perchёl speri che nsci restel per for
y che duc vёij ite si gran valor.

Luca Perathoner
V. tlas A, scola elementera de Sёlva

Ncuei ulessi ve cunté
Ncuei ulessi ve cunté,
te ce bel post che ie ste.
Canche celi da viere ora, veiji Pic,
y no da Runcadic.
Canche stajovi a S.Cristina
y maiovi mo pastina,
cialovi da viere ora
y udovi l Saslonch
che ie perndavira lonch.
Dla Marmolada muesi ben enghe ve cunte,
y ve desmustre,
che chisc crepes a daveira n gran valor,
per neus iesi sciche or.

Laila Demetz
V. tlas B dla scola elementera de Selva

LA DOLOMITES

La Dolomites, nosc crëps,
tan biei y plën de sucrëc.
Sën jons a pe, su per i monc,
per rué tla Val Badia ne n’iel nia dalonc!
Sul Sassongher ulons sën ji,
chël ti la fajons saurí!
Oh! Ce stanc che son,
ma te Puez tosc ruon.
Iló ulons se fermé a durmì,
y daduman de revieres a cësa inò ji!
Ju per Chedul a berdoles ne jons,
chël sci ti la fajons!
Nscì a cësa ruons,
y duta l’ena paussons!

Lucia Bellapianta
V. tlas A dla scola elementera de Sëlva

Inn a nosc crëps

Canche cële da viere ora,
vëiji riesc dan me
zech plu grand de te,
po muessi me fé dainora.
N tel spavënt,
canche zachei dij, la Dolomites ie burtes,
chël mënt.
Da uni pert dl mond ruvi adalerch,
da Runcadic nchin sa Merch,
per udëi da daujin
nosta bela pizes defin.
Dl Unesco ie sën la Dolomites patrimone
y de chësc ei l unëur de vester testimone.

Manuel Senoner
V. tlas B, scola elem. de Sëlva

Ncësa

1. Ce fertuna che nëus on,
pudon ji cui schi ulache ulon.
2. Ie pa Saslonch veramënter tan lonch?
Ie pa Sasplat veramënter tan plat?
Chël ne savons nia,
mé bon che stajon te Gherdëina y no te Badia!
3. Sce te Val nëus jon,
Puez y Stevia nëus udon.
4. Sai Uedli dal Sun Valley nëus udon,
y no da Guton.
5. La lijënda conta dla dlieja dl Lech Sant;
co aral pa cialà ora dant?

Nicole Mussner
V.B, scola elementera de Sëlva

La Dolomites

Canche ie vede alalergia, veiji Saslonch,
che ie dret lonch.
Y uni di ti celi a Stevia,
che ie dovia.
I creps dla Dolomites ie biei,
canche l suredl leva, po lunel n bel ghiel.
D’ inviern ie la Dolomites blances,
les ie nce grandes.
D’ instà pon ji a crep,
y la Dolomites ie sciche n stlupet.
Y mo zech uei ve cunté:
che tla Dolomites iel bel a sté,
chel me sa a me.

Verena Perathoner
V. tlas B, scola elem. de Sëlva